متوقع وزیراعظم کی سیکیورٹی میں اضافہ، بنی گالہ پراضافی نفری اور پروٹوکول تعینات

pm imran khan

اسلام آباد (پاک نیوز) ملک کے نئے متوقع وزیراعظم عمران خان کی سیکیورٹی میں اضافہ کردیا گیا، درجنوں پولیس اہلکار کو رہائش گاہ پر تعینات کردیا گیا ہے۔
انتخابات میں تحریک انصاف کی برتری کے بعد شہراقتدارکی بیورو کریسی بھی حرکت میں آگئی اور بنی گالہ میں ملک کے نئے متوقع وزیراعظم عمران خان کی رہائش گاہ پر سیکیورٹی بڑھا دی گئی۔
عمران خان کی رہائش گاہ پر درجنوں پولیس اہلکاروں کو سیکیورٹی پر مامور کردیا گیا جبکہ 2 واک تھرو گیٹس بھی بنی گالہ پہنچا دیئے گئے ، ایک واک تھرو گیٹ بنی گالہ کے داخلی راستے اور دوسرا کپتان کی رہائش گاہ پر لگایا گیا ہے۔
واضح رہے کہ انتخابات 2018 کے غیر سرکاری اور غیر حتمی نتائج کا سلسلہ جاری ہے، جس میں تحریک انصاف کو واضح برتری حاصل ہیں اور عمران خان وزیراعظم بننے کی پوزیشن میں ہیں۔
قومی اسمبلی میں تحریک انصاف 115 نشستوں کے ساتھ سرفہرست ہیں جبکہ مسلم لیگ ن نے 64 اور پیپلزپارٹی نے 38 نشستیں حاصل کیں۔

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.