bilawal bhutto

نام نہاد سیاستدانوں کو بلوچستان کی کوئی فکر ہی نہیں: بلاول بھٹو

کوئٹہ (پاک نیوز) پیپلزپارٹی کے چیئرمین بلاول بھٹو زرداری نے کہا ہے کہ مسلم لیگ (ن) چھوٹوں صوبوں کو محروم اور غریب رکھ کر پسماندہ ہونے کا طعنہ دیتی ہے ہم صرف وسطی پنجاب کو سیاست کا محور نہیں بنیں دیں گے۔
کوئٹہ میں جلسہ عام سے خطاب کرتے ہوئے بلاول بھٹو زرداری نے کہا کہ عمران خان کا مسئلہ نواشریف اور نوازشریف کا مسئلہ عمران خان ہے جب کہ ان دونوں کا مقصد صرف اقتدار ہے، نوازشریف نے سی پیک کا کریڈٹ اغوا کرنے کی کوشش کی، افسوس ہے کہ سی پیک ہمیں لاہور میں تو نظر آتا ہے لیکن کوئٹہ میں نہیں ۔
بلاول بھٹوزرداری کا کہناتھا کہ (ن)لیگ والے ہمیں محروم اور غریب رکھ کر طعنہ دیتے ہیں، سندھ،بلوچستان، خیبرپختونخوا اورجنوبی پنجاب کو دیوار سے لگاکر صرف وسطی پنجاب کو سیاست کا محور بنانے کی کوشش کی جارہی ہے لیکن پیپلزپارٹی ایسا نہیں ہونے دے گی، بلوچستان سے لاپتہ ہونے والے اور مسخ شدہ لاشیں ملنے کے معاملے پر کون بات کرے گا ان نام نہاد سیاستدانوں کو بلوچستان کی کوئی فکر ہی نہیں ۔
پیپلزپارٹی کے چیئرمیں کا کہنا تھا کہ نیشنل ایکشن پلان پر اگر عملدرآمد نہ ہوتو ان نام نہاد سیاستدانوں کو کوئی فرق نہیں پڑتالیکن جب تک نیشنل ایکشن پلان پر مکمل عمل نہیں ہوگا ہم آواز بلند کرتے رہیں گے،ضرورت پڑی تو ہم گولی کا جواب گولے سے دینا جانتے ہیں۔ انہوں نے کہا کہ بلوچستان کے امن کے لیے جان قربان کرنے والے سیکیورٹی فورسز کے جوان پاکستان کے ماتھے کا جھومر ہیں، ان کی قربانیوں پر انہیں سلام پیش کرتا ہوں.

اپنا تبصرہ بھیجیں

This site uses Akismet to reduce spam. Learn how your comment data is processed.